Maren abeslariak zabalduko du Musikale egitaraua
Musikale jaialdiaren barruan antolatu dute, beste bi saiorekin batera. Doakoa izango da eta aurrez lekua erreserbatu behar da. 19:30ean hasiko da.
Maren abeslariak kontzertu akustikoa eskainiko du ekainaren 3an Ormaiztegiko plazako karpan, 19:30ean. Ekaina kulturalari eta MUSIKALE jaialdiaren V. edizioari lotutako kontzertua izango da. Sarrera doakoa izango da eta aurrez lekua erreserbatu behar da, Ormaiztegiko Udaleko kultura sailera idatzita kultura@ormaiztegi.eus helbidean edo 688657455 zenbakira whatsappa idatzita.
Jaialdi beraren barruan, ekitaldi gehiago ere antolatu dituzte Ormaiztegin. Hilaren 10ean, Yijaaa antzerki musikatua egingo dute; eta hilaren 17an, Ilargik kontzertu akustikoa egingo du.
