Udari ongi etorria emateko ekitaldia, Urretxun
Datorren asteazkenean izango da, 18:00etan, Zuloaga baserriaren ondoko pagadian
Datorren asteazkenean, 18:00etan, udari ongi etorria emateko ekitaldia egingo dute Amezti basoan (Urretxuko Zuloaga baserri ondoko pagadian). Oihane Vicente Agirrezabal dantzariak, Amaia Aranzabal Oñate biolinjoleak, Leire Jauregi Asha yoga irakasleak eta Ane Miren Ormazabal Barrios sortzaileak gidatuko dute ekitaldia. Herritar guztiak parte hartzera gonbidatu dituzte. “Denok sortzaile, denok sorgin! Guztion artean magia piztu dezagun!”.
