Xabi Zurutuza garaile beste behin
Moto pilotu gazteak Hawkers European Talent Cup-eko seigarren lasterketa irabazi du. Txapelketan lortu duen bigarren garaipena izan da gaurkoa
Gaur Hawkers European Talent Cup moto txapelketako laugarren jardunaldia jokatu dute Portugalgo Portimaon (Algarve). Bartzelonan lortutako garaipenak bultzatuta, denak emanda atera da Xabi Zurutuza moto pilotua eta txapelketako bigarren garaipena lortu du. Legazpiarra laugarren atera den arren, lasterketa irauli eta lehenengo postuan jartzea lortu du azkenean.
Txapelketan lortutako bigarren garaipena izan da gaurkoa, Bartzelonako zirkuituan lortutakoarekin batera. Hawkers European Talent Cup txapelketa amaitzeko lau lasterketa falta diren honetan, 94 punturekin lehenengo postuan jartzea lortu du Zurutuzak, bigarren sailkatuarengandik zortzi puntutara.
