Ipuin kontalaria eta dokumental saioa gaur Lazkaon
Ixabel Agirresarobek 'Ezina ekinez egina' kontakizuna egingo du, Maizpideko atarian. Gauean, Hondarribiko alardearen inguruko dokumentala emango dute, gazteek antolatuta.
Lazkaoko eragileek antolatutako egitarauetan, bi ekitaldi izango dira gaur. Batetik, Maizpide euskaltegiko atarian Ixabel Agirresarobe ipuin kontalariak Ezina ekinez egina kontakizuna egingo du, 19:00etan hasita.
Bestetik, gazte asanbladaren udako dokumental saioetan aurrena gaur izango da, 22:00etan, plazako frontoian. Aurrera egin badugu ikuskaria emango dute, Hondarribiko alardeaz.
