Familiarekin Mirandaola eta Burdinola ezagutzeko aukera Igandean
Gynkanaren bidez modu dibertigarrian Mirandaola parkearen inguruan gehiago ezagutzeko aukera egongo da eta jarraian olagizonek burdinolako makineria martxan jarriko dute. Bisita pintxo goxo batekin amaituko da.
Datorren igandean, hilak 29, goizeko 11:00etan familiarekin Legazpiko Mirandaola eta Burdinola ezagutzeko aukera egongo da. Bisita gynkana batekin hasiko da eta honetan modu dibertigarrian Mirandaolaren inguruan gehiago ezagutzeko aukera izango dute gerturatzen direnek. Jarraian burdinolara bisita egingo da eta bertan olagizonek makineria guztia martxan jarriko dute. Bisitari amaiera emateko, pintxo goxo bat dastatuko dute parte-hartzaileek.
Plaza mugatuak daude eta ezinbestekoa da aurrez izena ematea. Horretarako 943 72 20 42 zenbakira deitu behar da. Bisita doakoa da.
