Xabier Sarasola abesten, egun osoan
Azaroaren 7an, Gipuzkoako Abesbatzen Federazioak antolatuta, Xabier Sarasolaren abestiak abestuko dituzte goiz eta arrats, Tolosan.
Xabier Sarasolaren konposizioak abestuko dituzte azaroaren 7an Tolosan. 10:00etan hasiko dira, 19:00ak arte. 14:30ean geldialdia egingo dute, bazkaltzeko.
Parte hartzeko izena eman behar da. Interesatuek Gipuzkoako Abesbatzen Federaziora (info@federagaf.net) idatzi behar du. Federatuta daudenentzat 35 euro balio du; gainerakoentzat, 55. Bazkaria prezioaren barruan dago. Inskripzioa urriaren 20a baino lehen egin behar da.
Errepertorioa inskripzio zerrendak ikusi ondoren aukeratuko da. Parte hartzaileei aurretiaz helaraziko zaie, entseatu dezaten.
