Konpost taldearen kontzertuarekin, adio Uda Ikastaroei
Aste honetan bukatuko dira Maizpide euskaltegiaren Udako Ikastaroak, eta baita kultur agenda ere. Bihar, Konpost taldeak joko du, plazan.
Maizpide euskaltegiaren Udako Ikastaroen bukaera ostiralean izango da. Irailaren 13an hasi zuten bi asteko iraupeneko seigarren eta azken ikastaldia. Ikastaroekin batera, kultura agenda ere agortuko da. Gasteizko Konpost musika taldearen kontzertua antolatu dute, Lazkaoko plazan, bihar 19:00etan hasita.
