'Igartubeiti baserriko erraiak' bisita berezia, bihar
EZKIO // Igartubeiti Baserri Museoak bisita berezia antolatu du biharko: Igartubeiti baserriko erraiak. 12:30ean, baserriko sekretuak eta garapena ezagutzeko aukera izango dute bisitariek. Baserria zaharberritu zutenean, zorupea hondeatu, piezaz pieza desmuntatu eta jatorrizko elementu guztiak dokumentatu zituzten. Prozesuaren nondik norakoak emango dituzte biharko saioan. Amaieran, pintxoa eta sagardoa dastatzeko aukera izango da. Izena 943 72 20 42 zenbakira deituta eman behar da.
