Jolas eta ikuskizunak Kilometroetako eguna alaitzeko
2021eko Kilometroak ospatzeko asmoz, hainbat jolas, tailer eta ikuskizun egin dituzte Lazkao, Ordizia zein Beasainen
Kilometroak 2021eko jolasak Lazkaon // A.Garmendia Eguraldi txarrari aurpegi ona jartzea lortu dute gaurko egunean Kilometroetan ibili diren antolatzaile zein haurrek. Goizean egindako gizakate eta ekitaldiaren ondoren, jolasen garaia iritsi da Lazkao, Ordizia zein Beasainen. Hamaika haur bildu dira hiru herrietako frontoietan egun honetarako prestatuta zeuden jokoetan jolastu ahal izateko.
Sokatiran, slackline-an, oskol jokoan, ur-jokoetan, imintzioetan eta beste hainbat jolasetan parte hartzeko aukera izan dute Kilometroetara inguratu diren umeek. Ordiziako frontoi estalian LH3 eta LH4ko ikasleak ibili dira, Beasainen, berriz, LH1 eta LH2koak, eta Lazkaon LH5 eta LH6ko haurrak.
