Beasaingo kirol taldeentzat ez dago zubirik
Beasainen, BKLren emakumezkoen eta Goierri Gorriren talde nagusiek etxetik kanpo jokatuko dute
Beasainek Azpeitian (Gipuzkoa) jokatuko du, Lagun Onaken aurka. Igor Gordobilen mutilak etxetik kanpo emaitza onak lortzen ari dira, eta boladari jarraipena eman nahi diote. Irabaziz gero, goiko postuetako borrokara lotu daitezke. Bihar izango da partida, 17:00etan.
BKL Esparruk ere bihar jokatuko du, Bergaran (Gipuzkoa), 18:00etan. Denboraldiko aurreneko partida irabazi egin zuten eta bitik bi nahi dituzte. Arri BKL Biurinek, aldiz, atseden hartuko du.
Goierri Gorrik, etzi jokatuko du. Getxon (Bizkaia) izango da lehia, 12:00etan. Bizkarre izango dute aurkari. Goierritarrek baino partida bat gehiago jokatu dute, baina oraindik ez dute punturik lortu. Gorriak, gainera, motibatuta helduko dira lehiara. Aurreko asteburuan 4 eta 0 irabaztea lortu zuten.
