Xabi Aburruzaga eta Yves Lambert Trio kontzertuan
Urrirako egitarau betea antolatu dute Legorretako Satto kultur taldeak. Bihar folk kontzertua izango da Herri Antzokian.
Ekitaldiz bete-betea dator urria Legorretan. Izango den eskaintzaren barruan, larunbaterako kontzertua antolatu du Satto elkarteak. Aburruza- ga trio & Yves Lambert trio Legorretako Herri Antzokian izango dira kontzertua ematen, bihar, larunbata. Arratsaldeko 19:00etan hasiko da emanaldia. Sarrerak salgai daude jada. Aldez aurretik Jubilatu elkartean eros daitezke, eta bestela, kontzertua baino lehen antzokiko lehiatilan ere egongo dira salgai, 10 euroren truke.
