Zaldibian Ardiki Eguna egingo dela esan du Kofradiak
Ardiki kultur elkarteak jakinarazi duenez, neurri bereziekin eta azoka kenduta, baina lehiaketa eta bazkaria egingo dituzte aurten.
Aldaketekin eta osagai batzuk gutxiagorekin, baina Ardiki Eguna ospatuko da aurten Zaldibian. Ardiki kultur elkarteak jakinarazi duenez, artisau feria eta ohiko azoka ez dira egingo, eta bukaerako lagunarteko bazkaria plaza zabalean izango da. Neurri babesgarriak hartuta, baina lehiaketak egiteko aukera badagoela aurreikusi dute, urriaren 31rako.
