Beasain, Gure Zirkuaren Goierriko laugarren geldialdia
Gure Zirkua Goierrira etorriko da, berriz ere. Urriaren 29tik azaroaren 14ra bitartean, hamazazpi emanaldi egingo dituzte; sarrerak salgai daude.
Gure Zirkua Beasainera helduko da. Datorren astean eskainiko dute lehen pasea, ostiralean, baina sarrerak salgai daude jadanik. Vicuña sport dendan edo Gure Zirkuaren webgunean erosi behar dira. Hamazazpi emanaldi eskainiko dituzte denera, azaroaren 14ra arte. Anbulatorioko aparkalekuan altxatuko dute karpa berritua.
Gure Zirkua Beasainen izango den lehen aldia da. Goierrin aurretik ere izan dira, baina: Urretxun, Ordizian eta Araman. Halere, azken bi urteetan bertaratu gabe zeuden.
Laugarren birarekin dabiltza orain. Ziklo arrakastatsua izaten ari dela diote zirkuko kideek, osasun agintariek baimendu adina bete baitituzte karpa berriaren harmailak. Beasaingo emanaldietan edukiera %100ekoa izango da.
Bareak
Bareakeko dendek Gure Zirkua ikusteko hiru sarrera bikoitz zozkatuko dituzte euren bezeroen artean. Zenbat eta gehiago erosi sarrerak egokitzeko aukera gehiago egongo da. Parte hartzeko epea zabalik dago, urriaren 26ra arte.
Egutegia
Emanaldi guztiak Bernedo-eneko aparkalekuan (anbulategikoa) izango dira.
URRIA
· 29, ostirala.19:00etan.
· 30, larunbata.16:30ean eta 19:00etan.
· 31, igandea.16:30ean eta 19:00etan.AZAROA
· 1, astelehena.12:00etan eta18:00etan.
· 5, ostirala.19:00etan.
· 6, larunbata.16:30ean eta 19:00etan.
· 7, igandea.12:00etan eta 18:00etan.
· 12, ostirala.19:00etan.
· 12, larunbata.16:30ean eta 19:00etan.
· 14, igandea. 12:00etan eta 18:00etan.
