'Iragana orain, oraina gero' dokumentala salgai
Ardixarra Etxean egin daiteke aurre eskaria, azaroaren 14ra arte.
‘Iragana orain, oraina gero’ dokumentala salgai dago dagoeneko, 10 euroan. Ardixarra Etxean egin dezakete herritarrek aurre eskaria, ostiraletan 17:30etik 19:30era, larunbatetan 11:00etatik 14:30era eta 130etik 19:30era eta igandeetan 11:00etatik 14:30era. Azaroaren 14a izango da aurre eskaria egiteko azken eguna. Dokumentala hilabeteko epean emango zaio erosleari, USB-an.
Laureano Telleria ardatz hartuta, memoria historikoa landu eta herriko ondarea dokumental batean jaso dute Anaitz Goiak, Joseba Telleriak eta Mikel Gartziandiak. 2015ean ekin zioten proiektuari, Laureanok kontatutako ohituretan, oroitzapenetan, istorioetan eta anekdotetan oinarrituta. Uztailean herritarren aurrean aurkeztu zuten lana.
