Goierritar ukitua du Huntzaren azken lanak

Inhar eta Aitzol Eskisabel ataundarrei Ekaitz Goikoetxea batu zaie, beste behin. Beasaindarrak egin du 17:21 abestiko letra

Kerman Garralda

Ataun,Beasain

2021/11/12

Goierritarrek Hutzaren azken lanean presentzia handia dute. Inhar eta Aitzol Eskisabel ataundarrei Ekaitz Goikoetxea batu zaie. Beasaindarrak egin du 17:21 abestiko letra. Itxaronaldi baten istorioa kontatzen du, inoiz gertatuko ez den topaketa batena

Letra
[Huntza] Bostak eta hogeita bat Bostak eta hogeita bi Eguzkia bera ere bada asko ordulari Ez al gara agonia gehiegi luzatzen ari Noiz utzi behar diozu ni betiko uzteari Amodio, amodio Bihotzari lana buruak ematen dio (x2)	[Julieta Venegas, gaztelaniaz] Tik-tak Seiak eta hogeita hiru Bertso librea, bertso askea Tik-tak Seiak eta hogeita sei Amaitu dadila ipuina Ez dago penalti-tandarik deskontu-minuturik ere ez Ez dezagun bizitza luzatu une honetatik harago [Venegas, euskaraz] Amodio, amodio Bihotzari lana buruak ematen dio (x2)	[Huntza] Zortziak eta bat garratz Zortziak eta bi gazi Hutsaren hurrengo baino Hobe da hutsetik hasi Zortziak eta bat garratz Zortziak eta bi gazi Tren bat galdu dugu baina Geltoki bat irabazi [Denak, euskaraz] Amodio, amodio Bihotzari lana buruak

Taldeak sekula baino izaera internazionalagoarekin egin du lan hau. Julieta Venegas artista Kaliforniarrak (Ameriketako Estatu Batuak) parte hartu du. 30 bat milioi diska saldu ditu, eta 100 bat sari jaso. Tartean, Grammy bat.

17:21 Ezin Ezer Espero diskako singela izango da. Atzo aurkeztu zuten, aurrerapen gisa. Diska, osorik, datorren astean argitaratuko dute.

Olatu bat

Goikoetxeak Huntzarekin lan egiten duen bigarren aldia da. Xilema diskako Olatu bat abestiaren hitzak ere berak egin zituen. Gainera, abestia Euskadiko Orkestrarekin ere birmoldatu zuten.

Azken elkarrizketak

Azken bideoak

Argitalpen bereziak