Eneko Agirrezabali omenaldia egin diote Txindoki taldeko lagunek
Taldeko txikienek harrera berezia egin diote Behobia-Donostia lasterketako txapeldunari. Bideoa eta argazkiak, albistean ikusgai
Behobia-Donostia lasterketaren irabazlea izan den Eneko Agirrezabal segurarrari omenaldia egin diote Txindoki Atletismo Taldeko lagunek. Sorpresa handia hartu du protagonistak, ez baizuen espero. Altamira zelaira iritsi denean, atletismo taldeko txikiak zain zituen. Aurreskua dantzatu diote eta lore sorta eman. Bukatzeko taldeko argazkia atera dute.
