Goierriko bertsolarien saioa ostiralean Idiazabalen
Amaia Iturriotz, Aitor Sarriegi, Iker Zubeldia, Maddi Aiestaran, Iban Urdangarin eta Oihana Iguaran ariko dira kantuan.
Idiazabalgo bertso taldeak Eguberrien buelta honetan antolatzen duen Goierriko bertsolarien saioa ostiralean, hilaren 10an, izango da. Gurasoen elkartean da, 19:00etan hasita.
Sei bertsolari ariko dira kantuan: Amaia Iturriotz urretxuarra, Aitor Sarriegi beasaindarra, Iker Zubeldia Txapi zegamarra, Maddi Aiestaran beasaindarra, Iban Urdangarin ataundarra eta Oihana Iguaran, Idiazabalen bizi den amasarra.
Udalaren eta Ampo kooperatibaren laguntza jaso du bertso taldeak jaialdiak antolatzeko.
