Martuteneko presoentzat bilketa egingo du bi egunez Idiazabalgo Caritasek
Ostiralean eta larunbatean egingo dute bilketa, 10:00etatik 12:00etara, Apaiz etxean.
Idiazabalgo Caritaseko taldeak Martuteneko espetxean preso daudenentzat bilketa egingo du ostiralean eta larunbatean Apaiz etxean (10:00-12:00). Gizon eta emakumezkoentzako barruko arropa berria, bainurako oinetakoak, kirol oinetakoak, galtzerdiak, azkazalak moztekoak eta piladun irratiak behar dituzte batez ere. Tabakoa eta txiskeroak, turroi biguna eta gutun-azalak eta zigiluak ere eraman daitezke.
