Jose Luis Elkoro Ataunen hizlari gaur, Alkate Mugimenduaz
Bergarako alkate izandakoak 1976an gorpuztu zen mugimenduaz hitz egingo du, oroimen historikoaren zikloaren harira antolatutako saioan.
Jose Luis Elkoro // Argazkia: Berria Bergarako alkate izandako Jose Luis Elkorok hitzaldia egingo du, gaur, Ataunen. 1976an gorpuztu eta gune nagusi bat Bergaran eduki zuen Alkate Mugimenduaz ariko da. Franco hil eta berehala, alkate talde batek hartu zuen euskal gizartearen nahien eta aldarrikapenen erantzun ofiziala bilatzeko eginkizuna, Elkoro tartean. Ataungo udaletxeko batzar aretoan da hitzaldia, gaur 19:00etan, oroimen historikoaren zikloan.
