Positiboen gorakada: 1.485 hiru egunean
Azken hiru egunetan ia 1.500 positibo kasu atzeman ditu Osasun sailak Goierrin. Aste osoa kontuan hartuta, 3.368 izango lirateke PCR edo antigeno probetan positibo eman duten goierritarrak. Pandemia hasi zenetik, goierritarren seiren bat azken astean kutsatu da.
Astez aste igotzen jarraitzen dute koronabirusaren datuek, eta Osasun Sailaren gaurko txostena ikusita, datu hori baieztatu besterik ez da egiten. Azken hiru egunetan ia 1.500 positibo kasu atzeman ditu Osasun sailak Goierrin. Aste osoa kontuan hartuta –asteleheneko datuak gehituta–, 3.368 izango lirateke PCR edo antigeno probetan positibo eman duten goierritarrak. Pandemia hasi zenetik, goierritarren seiren bat azken astean kutsatu da.
Herriz herri begiratuta, Beasainek izan ditu positibo gehien (294), hurrena Ordiziak (266), Zumarragak (181), Urretxuk (171), Legazpik (151) eta Lazkaok (138).
Herri txikiagoei dagokionean, Idiazabalen 59 kasu atzeman ditu, Zaldibian 48, Ormaiztegin 42, Legorretan eta Seguran 29na, Ataunen (27), Zegaman (26). Herri guztietan egon dira positiboak azken hiru egunotan, eta nabarmentzekoak dira Gabiriako (20), Itsasondoko (17) eta Olaberriko (15) kasuak, baita Altzagakoak ere (8).
Eragin tasari dagokionez, Goierriko 22 herriak eremu daude gorrian. Tasarik altuena Altzagak, Legorretak, Urretxuk eta Zaldibiak dute, laurek zortzi milatik gorakoa.
Koronabirusaren krisia 2020ko martxoan hasi zenetik, 18.063 kasu agertu dira guztira Goierrin.
| 01/03 | 01/04 | 01/05 | GUZTIRA | TASA | |
| Altzaga | 6 | 1 | 1 | 39 (+8) | 8743,17 |
| Arama | 0 | 2 | 0 | 41 (+2) | 4901,96 |
| Ataun | 9 | 14 | 4 | 483 (+27) | 5552,38 |
| Beasain | 103 | 105 | 86 | 3.518 (+294) | 7146,42 |
| Ezkio eta Itsaso | 1 | 4 | 8 | 140 (+13) | 5362,78 |
| Gabiria | 4 | 6 | 10 | 111 (+20) | 7017,54 |
| Gaintza | 0 | 0 | 1 | 17 (+1) | 1754,39 |
| Idiazabal | 16 | 30 | 13 | 482 (+59) | 5756,30 |
| Itsasondo | 2 | 11 | 4 | 127 (+17) | 4670,33 |
| Lazkao | 47 | 47 | 44 | 1.409 (+138) | 7049,01 |
| Legazpi | 42 | 69 | 40 | 2.028 (+151) | 6326,55 |
| Legorreta | 6 | 18 | 5 | 360 (+29) | 8053,69 |
| Mutiloa | 0 | 5 | 0 | 70 (+5) | 4705,88 |
| Olaberria | 5 | 7 | 3 | 224 (+15) | 6106,87 |
| Ordizia | 85 | 101 | 80 | 2.874 (+266) | 7616,68 |
| Ormaiztegi | 9 | 13 | 20 | 325 (+42) | 7210,03 |
| Segura | 8 | 12 | 9 | 420 (+29) | 6066,54 |
| Urretxu | 53 | 67 | 51 | 1.777 (+171) | 8141,75 |
| Zaldibia | 14 | 24 | 10 | 555 (+48) | 8866,10 |
| Zegama | 7 | 8 | 11 | 413 (+26) | 5654,17 |
| Zerain | 0 | 1 | 0 | 41 (+1) | 2919,71 |
| Zumarraga | 65 | 64 | 52 | 2.298 (+181) | 6068,63 |
| GUZTIRA | 482 | 551 | 452 | 18.063 (+1.485) |
