Musika Eskola lekuz aldatu dute
Atzotik hasita, Fabiana Zudaire eraikinean izango dira aurrerantzean eskolak, Kale Nagusiko 10 zenbakian, herri eskolakoak izan ezik.
Idiazabalgo Musika Eskola lekuz aldatu dute. Atzotik hasita, Fabiana Zudaire eraikinean emango dituzte musika eskolak, Kale Nagusiko 10. zenbakian, alegia, mediku etxe zaharreko eraikinean. Halere, herri eskolan ematen diren klaseak herri eskolan izaten jarraituko dute. Kultur etxea itxi zutenetik, Apaiz etxean izan dira musika eskolak, udalak alokatuta, eta aurrerantzean musikari lotutako zerbitzuak eraikin berean izango dira: Fabiana Zudaire entsegu lokalak mediku etxe zaharreko eraikineko zati batean, eta musika eskola bestean.
