Goierri izoztuta esnatu da lau egunez jarraian
Zeropeko tenperaturek izotz zuriaren irudiz margotu dute Goierri, azkeneko lau egunetan. Urtarrilaren 13ko gauean hasi zen erortzen tenperatura zeropera. Eztandako estazio meteorologikoan (Beasain), hilaren 14an -1,4 gradu neurtu zen gutxienekoa, baina larunbatean (-3,7º) eta igandean (-3,6º) asko jaitsi zen minimoa. Atzo ere -1,2º egin zuen. Hotzaren erakusgarri, Ormaiztegiko iturri izoztuta. Jarioarekin dago iturria, eta tantaka galtzen du ura. Larunbat eta igande goizetan, izotz-burruntzi bihurtuta geratu zen.
