Txotxongiloak egiten ikasteko
Txotxongilo tailerra antolatu du Zumalakarregi Museoak 6 eta 12 urte bitartekoentzat. Aurrez izena eman behar dute parte hartu nahi dutenek.
Itzalezko txotxongiloen tailerra antolatu du Zumalakarregi Museoak biharko. 6 eta 12 urte bitartekoei zuzendutako familia tailerra izango da. Itzalezko txotxongiloen historia aztertuko dute parte hartzaileek, eta bakoitzak bere txotxongilo propioa egiteko aukera izango du. Kopurua mugatua izango denez aurrez izena eman behar da, museora deituta edo idatzita. Partaide bakoitzak 3 euro ordainduko ditu, eta 1,5 euro familia txartelarekin.
