Urteari errepasoa, koplen bidez
Kopla tailerra egingo dute gaur Itsasoko ganbara aretoan. Xabi Elgarresta eta Asier Sasieta herriko bertsolariek gidatuko dute saioa.
Ganbara aretoa estreinatu zuteneko irudia, iazko maiatzean. //Argazkia: Itsaso Herria 
Joan berri den urteari agur esango diote gaur Itsason. 18:30erako, ganbara aretoan, Santa Ageda aurreko kopla tailerra antolatu du Itsasoko batzordeak. 2021 urteari errepasoa egingo diote koplen bidez, eta herriko bi bertsolarik gidatuko dute tailerra. Xabi Elgarrestak eta Asier Sasietak egingo dituzte dinamizatzaile lanak. 19:00etarako, berriz, Korrika antolatzeko bilera deialdia egin du batzordeak, eta herritarrak animatu ditu parte hartzera.
Igandean, aldiz, zinema saioa izango dute itsasoarrek. 18:30ean, ‘Lupin III’ animaziozko filma emango dute ganbara aretoan, jatorrizko hizkuntzan eta euskarazko azpitituluekin.
