Arteria Fabrikaren diru laguntzetarako deialdia luzatuko dute
Arteria Plataformak kultura eta giza eskubideak uztartzen dituzten proiektuak bultzatuko ditu. Elkarlana eta ikerketa helburu duten plataforma digitalak ere lagunduko dituzte.
Arteria Fabrikak diru laguntza deialdia zabaldu du. Zehazki, bi ataletan egin ditzakete eskaerak herritarrek: batetik, Arteria Plataformari lotutako 2.000 euroko bi diru laguntza emango dituzte, eta bestetik, Arteria bilatzailearen erabilera sustatzeko 2.000 euroko diru laguntza bat. 6.000 euro guztira. Arteria Plataformaren harira, kultura eta giza eskubideak uztartzen dituzten proiektuak aurkeztuko dira, Goierriko sortzaileek Giza Eskubideen inguruan dituzten lanak ezagutu eta sozializatzeko helburuarekin.
Arteria bilatzailea sustatzeko diru laguntzaren helburua, berriz, elkarlan-moduak, ikerketa eta ekoizpena areagotzeko plataforma teknologikoak bultzatzea izango da. Kultura, giza eskubidea eta gizartea uztartu beharko ditu proiektuak, eta oinarrian Arteria Bilatzailearen emaitza bat egotea ezinbestekoa izango da. Deialdietan aukeratutako sortzaileek jasoko duten diruaren truke, 5 aurkezpen egingo dituzte eskualdeko leku ezberdinetan, sormen prozesuaren berri emanez.
Epea luzatuko dute
Otsailaren 15era arte eman daiteke izena, www.arteria.eus helbidean. Halere, Arteria Fabrikak jakinarazi duenez, eragile eta herritarrek hala eskatuta, diru-laguntzetan izena emateko epea luzatuko dute.