Igartubeiti museoan dantza eta zineforuma Zumalakarregi Museoan
Ezkioko Igartubeiti Baserri Museoan zein Ormaiztegiko Zumalakarregi Museoan familia tailerrak antolatu dituzte astebururako. Dantza izango dute ardatz Igartubeiti museoan bihar, eta Zumalakarregi museoan, aldiz, zinema izango da protagonista, gaur. Igartubeiti dantzan tailerra 16:30etik 18:30era izango da, 6 eta 12 urte arteko haurrak dituzten familiei zuzendua.
Dantzarekin modu dibertigarrian harremantzeko tailerra izango da, Oihane Vicentek eta Uxue Kerejetak eskainia. Baserriko lehengaiekin dantzak sortuko dituzte parte hartzaileek, negutik udaberrirako aldaketarekin batera ihauteriak ospatzeko. Aurrez izena eman behar da, 618 004 131, 943 72 29 78 edo 943 72 51 07 telefono zenbakietara deituta, edo Igartubeiti museoko webgunean.
Laburmetraiak, gaur
Zumalakarregi museoko zineforuma gaur izango da, 18:30etik 20:00etara. Pour Don Carlos aldi baterako erakusketaren programazioaren barruan, Napardeath eta Orain Zumalakarregi laburmetraiak proiektatuko dituzte, eta bertan izango dira sortzaile, zuzendari eta aktoreak. Parte hartu nahi dutenek aurrez izena eman behar dute, 943 88 99 00 telefono zenbakira deituta edo mzumalakarregi@gipuzkoa.eus helbide elektronikora idatzita.
