Dantza bertikal ikuskizuna, gaur, Zeraingo Aizpean
Aizpeako labeetan egindako berrikuntzak herritarrei aurkeztuko dizkiete, 18:00etan. Harrobi konpainiak dantza ikuskizun berezia egingo du.
Zeraingo Aizpeako kiskaltze labeak berritu dituzte eta gaur 10:00etan inaugurazio instituzionala egingo dute. Arratsaldean, berriz, herritarrei zuzendutako inaugurazioa egingo dute meatze barrutian, 18:00etan. Instalazioak ikusteko tarteaz gain, Harrobi konpainiaren eskutik eta Janire Etxabek zuzenduta, dantza bertikal ikuskizuna egongo da. Ondoren, mokadutxoa banatuko dute.
