Korrika Txikia Ordizian eta Beasainen
Ordiziako eta Beasaingo ikastetxeetako ikasleek Korrikaren etorrerari aurrea hartu eta goizean Korrika Txikia egin dute
Beasaingo eta Ordiziako ikasleek egin dituzte Korrikarako beroketa lanak. Gaur goizean, herrietako kaleak zeharkatu dituzte Korrika Txikiarekin. Beasainen eskola guztiek batera egin dute: Murumenditik hasi, Aspaceren egoitzaraino joan eta Erauskin plazan amaitu dute. Lekukoa txandaka eraman dute; Ordizian, berriz, eskola bakoitzak bere kabuz egin du korrika.
