Zeraingo jaietako egitarauaren eta urtekariaren azalen lehiaketa martxan da
Zeraingo Udaleko Herri bizitza batzordeak VI. Lehiaketa antolatu du 2022ko herriko jaietako egitarauaren eta urtekariaren azalak aukeratzeko. Zeraindarra izatea da baldintza. Lanak 2022ko ekainaren 17rako aurkeztu beharko dira udaletxean.
Zeraingo Udaleko Herri bizitza batzordeak VI. Lehiaketa antolatu du 2022ko herriko jaietako egitarauaren eta urtekariaren azalak aukeratzeko. Oinarriak ondorengoak dira:
-
Parte-hartzaileak zeraindarrak izan beharko dira eta bi taldetan banatuko dira:
A taldea: 2010etik gaur arte jaiotakoak. Hemengo irabazlea Herriko jaien egitarauaren azalerako izango da.
B taldea: 2009ean edo aurretik jaioak. Hemengoa berriz, urtekariko azalerako izango da.
-
Edozein kolore edo eratako lanak onartuko dira A4 neurrian.
-
Gaia: Librea izango da.
-
Lanak 2022ko ekainaren 17rako aurkeztu beharko dira Zeraingo udaletxean.
-
Bi sari banatuko dira: A taldean bat eta B taldean bestea eta, parte hartzaile guztiek aipamen saria izango dute.
-
Irabazleak aukeratzeko prozedura: Ekainaren 23, San Juan bezperako festako iluntzean izango da eta herritarren bozka bidez egingo da aukeraketa.
-
Irabazleen izenak eta sariak egunean bertan emango dira.
