Markos Salcinesen kontzertua bihar, 20:00etan hasita
Igartza Musika egitarauaren barruan joko du Salcinesek gidatutako jazz hirukoak.
Igartza Musika programako lehen seihilekoko azken kontzertua bihar izango da. 20:00etan hasiko da, 22:00etan programatu bazuten ere zikloa iragartzean. Igartzako Jauregian izango da kontzertua.
Marcos Salcinesek joko du: Iazko Igartza Musika Beka lehiaketan parte hartu zuen eta, saririk lortu ez zuen arren, epaimahaia «liluratuta» utzi zuen. Igartza Musika zikloan programatu dute trukean. Ez da bakarrik arituko. Ion Dorregaraik (baxua) eta Dani Dominguez (bateria) izango ditu alboan. Jazz doinuak joko dituzte. Bigarren seihilekoa uztailaren 14an hasiko da, Cumbianero taldearekin.
