Goierri abisu horian dago, beroagatik
Goierri
Goierri abisu horian dago beroagatik. Atzo 35 graduraino heldu zen termometroa, eta asteburura arte gora eta gora jarraituko du. Etzi 40 gradutara hurbildu daiteke, Euskalmeten arabera.
Eguerdi partean kalean ibiltzea eta kirol egitea ekiditeko aholkatu dute, berotik babesteko. Etxe barruan egunez leiho eta pertsianak ixteko gomendatu dute, eta etxea eguneko lehen edo azken orduetan aireztatzeko. Ondo hidratatzeko eta azukredun eta alkoholdun edariak sahiesteko ere aholkatu dute.
