Tartaloetxek irabazi du Gipuzkoako lau t'erdiko pilota txapelketa
Nagusien 1. mailan Iban Matxinandiarenak 22 eta 16 irabazi zion ostiralean Hernaniko Paul Ojueli.
Zegamako Tartaloetxe pilota elkarteak irabazi du Gipuzkoako Federazioaren lau t’erdiko pilota txapelketa. Ostiralean txapelketako bi final jokatu ziren Zegamako frontoian. Tartaloetxetik, nagusien 1. mailako finalean, Iban Matxinandiarena pilotariak Hernaniko Paul Ojuelen aurka jokatu zuen, eta 22-16 gailendu zen. Jubenilen 2. mailako finala ere jokatu zen. Amezketako Zazpi Iturri taldeko Beñat Gorostidik 22-10 irabazi zion Oiartzungo Oiarpe taldeko Haritz Aranbururi.
