FESTAK
Aian ere, festetako egun handia
Herri bazkaria eta gazteen afaria dituzte gaur Ataungo Aia auzoan; gauean, Unidad Alavesa eta Zopilotes Txirriaos taldeek joko dute.
Zumarragan eta Mutiloan bakarrik ez, Ataungo Aia auzoan ere festak dituzte asteburuan. Gaur Santa Isabel jaietako egun handia dute, gainera. Goizean hamaiketakoa eta Otsoak dantza taldearen saioa izan dituzte, eta segidan, auzo bazkaria.
Iluntzetik aurrera ere, ez da festa girorik faltako. Gazteek afaria egingo dute, eta ondoren kontzertuak izango dira: Unidad Alavesa eta Zopilotes Txirriaos arduratuko dira giroa berotzeaz.
