Festa gazteena da
Zaldibian 24. Gazte Festak ospatzen ari dira asteburuan. Gaur mozorrotuta atera dira kalera herriko kuadrillak. Gauean kontzertuak izango dituzte.
Gazteak berezkoa du festarako grina, eta Gazte Festarako antolatu duten egitaraua ikusita, ez dago aitzakiarik. Zaldibiako Gazte Asanbladak 24. urtez antolatu du ospakizun asteburua. Ostiral arratsaldean hasi zuten egitaraua, arkakusoaren jaitsierarekin, sasi-pilotari txapelketako finalekin eta sagardo dastaketarekin. Gaur berriz, mozorro eguna izan dute, eta eguerditik hasi da festa. Kantu-bazkaria egin dute aurrena, eta elektro-txarangarekin eta gaueko kontzertuekin beteko dute gaurko egitaraua: Little Martin Selektah, Apolog’s eta DJ Maixu ariko dira oholtzan.
