Gaur hartu beharko dira larunbateko Ataungo Oargiko kontzertuetarako sarrerak
Gaur arratsaldeko 18:00etatik 19:00etara bitartean erosi beharko dira Tatxers, Lukiek eta Zikin kontzertuetarako sarrerak. Larunbatean, abuztuaren 6an izango dira, Ataungo Oargin, Torto Gazte Asanbladak antolatuta.
Ataungo Torto Gazte Asanbladak kontzertuak antolatu ditu larunbat honetarako, abuztuaren 6rako, gaueko 22:00etan. Oargin izango dira kontzertuak eta 8€ko kostua izango dute. Bertan Tatxers, Lukiek eta Zikin taldeek joko dute.
Gaur, abuztuak 4, arratsaldeko 18:00etatik 19:00etara erosi ahal izango dira larunbateko kontzertuetako sarrerak, Oargin bertan.
Tatxers
2018an elkartu zen talde iruñarra da eta azken urtean arrakasta handiko taldea izaten ari da gazteen artean.
Lukiek
Mungian sortutako rock alternatibo taldea da eta 2015ean jaio zen. Abesti propioak zein bertsio batzuk jo ohi dituzte.
Zikin
Lekeitiotik dator Zikin taldea osatzen duen laukotea eta hardcore eta punk estiloetan mugitzen dira.
