XVIII. Izalgo Garagardo festa iraileko lehen asteburuan
XVIII. Izalgo Garagardo Festa egingo dute idiazabaldarrek irailaren 1etik 3ra bitartean 18:00etatik aurrera, kiroldegian.
Idiazabalgo areto futbol taldeak iada argitaratu du urteroko garagardo festaren itzulera, aurten, XVIII. edizioarekin iritsi da. Irailaren 1ean emango diete hasiera eta garagardo ugari izango dituzte probatzeko. Jana ere ez da faltako festan, izan ere, ukondoa, saltxitxak, solomoa, hirugiarra, kroketak, patatak eta abar izango dituzte dastagarri bertara gerturatzen direnek. Beraz, jan-edan ederrean pasako dute asteburua idiazabaldarrek, zalantzarik gabe. Horrez gain, musika eskaintza ere izango dute. Irailaren 2an, ostiralean, The Frankys taldea izango dute gaueko 12etan eta 1:00ean dj bat izango da, nahiz eta taldeak ez duen zehaztu oraindik nor izango den. Irailaren 3an ere gogor dator musika eskaintza, Andoni Ollokiegi gitar-jolea izango dute eta ordubatean, berriro, dj-en txanda izango da.
