Demokrazia garaiko PSE-EEko alkate eta zinegotziak omendu dituzte
Antioko interpretazio zentroan aitortza egin diete 1979tik gaur arte Urretxu eta Zumarraga udaletan kargu publikoa izan dute sozialistei. Jose Ignacio Asensio Gipuzkoako PSE-EEko Idazkari Nagusiaren esanetan hautetsiek "herritarrekiko konpromisoa lehenetsi zuten politika bizkartzainekin" egin behar bazuten ere.
Urretxu eta Zumarragako talde sozialistak antolatutako omenaldia egin dute gaur goizean Zumarragako Interpretazio zentroan. 1979tik gaur arte alkate eta zinegotzi izan diren 51 sozialistei egin diete aitortza. Eneko Andueza PSE-EEko Idazkari Orokorrak, Jose Ignacio Asensio PSE-EEko Gipuzkoako Idazkari nagusiak, Mikel Serrano Zumarragako alkateak eta Urretxu-Zumarragako PSE-EEren idazkari Nerea Errastik hartu dute etzi ekitaldian.
“Anomalia politikoko” garai batean hautetsi horiek egindako lan “isila” nabarmendu du Asensiok. “Ia bost hamarkada horietako zatirik handienean askatasuna defendatu duzue, mehatxupean egin duzue politika zuen bizitza arriskuan jarriz. Urterik okerrenetan politika normaltasunez egiten saiatu zarete”. Egoera hori izanik ere, “herritarren ongizatea lehenestearen alde” egindako lana aitortu die Asensiok. “Zinegotzi akta hartu bezain laster bizkartzain bat jartzen zizuten. Ordaindu ezin den zorra daukagu zuekin”.
Mikel Serranoren hitzak
Egungo Zumarraga alkate Mikel Serranok gogoratu du 1999an eman zuela politikan hasteko urratsa PSE-EEko zerrendetan sartuz. “Oso argi nuen nik ‘gestionatu’ egin nahi duela, herritarren zerbitzura egon. Zoritxarrez, konpromiso hori hartu ondoren jende askok niri kasu egiteari eta hitz egiteari utzi zion”.
Urretxun eta Zumarragan “momentu zailak” pasa dituztela gogoratu du, baina “sozialisten gestioak demokrazia eta pluraltasuna bermatu” zituela. “Gaur egungo Zumarragaren oinarriak finkatu zituena Anton Arbulu izan zen, demokraziako lehen alkate sozialista, zinegotzi talde bat ondoan zuela. Bizitza jartzen zuten jokoan, baina herritarren ongizatea hobetzeko lan egin zuten”
Nerea Errastiren hitzak
Nerea Errastiren ustez, halako aitortzak “beharrezkoak” dira. “Konbentzituta nago urteetan eginda lan hori ez zaiela behar adina aitortuko. Une gozo eta garratzak izan diren, eta egindako ahalegina ikaragarria izan zen, jokoan zegoena gizakiak duen gauzarik handiena baitzen: bizitza”.
