HARA!
"Egun on entzule agurgarriok, zuekin Euskadi Irratia"
Euskadi Irratiak gaurko egunez egin zuen lehen emisioa, duela 40 urte. Julian Beloki legazpiarrarena izan zen lehen ahotsa, harekin lehen hitz horiek. Harekin estudioan, ondoz ondo, Arantxa Irastorza zaldibiarra.
Julian Beloki irrati esatari legazpiarra, Euskadi Irratiaren lehen egoitzan, Donostiako Andia kalean. “Egun on entzule agurgarriok, zuekin Euskadi Irratia, Eusko Jaurlaritzak euskal hedabideen alorrean eman duen pauso garrantzitsua”. Horiek izan ziren Julian Beloki legazpiarrak lehen emisioan esan zituen lehen hitzak. Harekin estudioan, beste goierritar bat, Arantxa Irastorza zaldibiarra. Zuzendari, berriz, Joxe Mari Otermin amezketarra.
Eneko Telleria kazetari segurarrak erreportaje zabal batean jaso ditu Berrian hasiera haietako kontuak.
Arantxa Irastorza zaldibiarra, Euskadi Irratiko estudioan. Argazkia: EITB
