Emakumezkoen binakako txapelketa nagusiaren finala Zumarragan jokatuko da
Abenduaren 30eko partidak Zegaman jokatuko dira, otsailaren 5ekoak Beasainen eta otsailaren 18koak Lazkaon. Finala martxoaren 5ean izango da.
Ados klubaren emakumezkoen binakako txapelketa nagusiaren finala Zumarragan jokatuko da, martxoaren 5ean, 12:00etan Beloki pilotalekuan.
Promozio txapelketan lau bikotek parte hartuko dute eta lehen mailakoan zortzi bikotek. Txapelketa larunbat honetan hasiko da, Beran. Abenduaren 30eko partidak Zegaman jokatuko dira (18:00etan), otsailaren 5ekoak Beasainen (11:30ean) eta otsailaren 18koak Lazkaon (18:00etan).
Txapelketa atzo aurkeztu zuten, Zumarragako pilotalekuan. Antolatzaileek ETBk ez duela partidarik emango eta, hortaz, Eusko Labelek ez duela txapelketa babestuko salatu zuten.
