Odol emaileei aitortza egin diete Ordizian
Hamabi ordiziarrek intsigniak jaso dituzte, 25 aldiz baino gehiago odola emateagatik.
Odol emaileei aitortza egin diete gaur Ordizian; 12 ordiziar dira, hain zuzen ere, odol emateagatik intsignia jaso dutenak. Ordiziako Barrena jauregian egin dute ekitaldia eta bertan izan da Adur Ezenarro Ordiziako alkatea ere.
Horra hor omenduen zerrenda: Ander Matxain Blasco, Ander Argaiz Etxeberria, Iban Asenjo Garde, Josu Aierbe Guaras eta Nekane Otaegi Labaka, 25 odol emate egin dituzte; Maria Rosario Araneta Arruabarrena, 40 odol emate; Francisco Javier de Carlos Eldueyen, Aquilino Harto Jabato, Luis Lasa Zalakain, Jose Luis Rodriguez Rodriguez eta Antonio Ruiz Carruqui, 50 odol emate; eta Ana Maria Otegi Unanue, 60 odol emate.
