Neomak taldeak Idiazabalen emango duen kontzerturako sarrerak agortu dira
Abenduaren 30ean izango da emanaldia, elizan.
Neomak taldeak Idiazabalen emango duen kontzerturako sarrerak agortu dira dagoeneko. Aurreko astelehenean jarri zituzten salgai eta bi egunetan saldu ziren guztiak. Abenduaren 30ean izango da, elizan, 22:00etan.
Neomak musika taldea 2021ean sortu zuten folk taldea da; pandero eta perkusiotik abiatu eta abangoardiara jotzen duena, bai estetikoki eta baita musika aldetik ere. Zazpi partaide ditu, guztiak emakumeak: Amets Ormaetxea, Eneritz Aulestia, Leire Etxezarreta, Irati Gutierrez, Garazi Otaegi, Maria Lasa eta Alaitz Eskudero.
Aurten argitaratu dute lehenen diskoa, taldearen izen bera duena.
