San Blasetako danborradetarako izen ematea zabaldu dute
Idiazabalen jarri dira dagoeneko San Blas jaiei begira eta haurren eta helduen danborradetan izena emateko epea ireki dute dagoeneko. Haurren danborradan izena emateko —hilaren 11 da azken eguna—udalaren web gunera jo behar da edo urtarrilaren 14an Igarondo pilotalekuan egingo den lehendabiziko entsegura agertu. Helduenerako Xaloa eta Odei tabernetan eta liburutegian dauden esku orriak bete behar dira. Urtarrilaren 16a izango da azken eguna. Haurren danborrada hilaren 29an izango da, 16:30ean hasita eta helduena, berriz, otsailaren 3an 20:30etik aurrera.
