Zegama-Aizkorri maratoiko aurre izen ematea urtarrilaren 16an zabalduko dute
Kilometro bertikalean eta junior trailean izena emateko epea, aldiz, urtarrilaren 30ean irekiko dute. Dortsalen zozketa otsailaren 24an egingo dute.
Nienke Brinkman herbeeretarra, iaz, Sancti Spiritun gora. Argazkia: Iñaki Gurrutxaga Datorren astelehenean, urtarrilak 16, 12:00etan irekiko da 22. Zegama-Aizkorri mendi maratoirako aurre izen ematea. Izena rockthesport.com plataformaren bitartez eman beharko da. Hamar egunez egongo da zabalik izena emateko aukera, asko jota. Azken urteetan egun bakarrean bete dira plaza guztiak. Kilometro bertikalean eta junior trailean izena emateko epea, aldiz, urtarrilaren 30eko 12:00etan zabalduko da. Izena plataforma beraren bitartez eman beharko da. Dortsalen zozketa otsailaren 24an egingo da.
Zegama-Aizkorri mendi maratoia eta junior traila maiatzaren 14an jokatuko dira aurten, hauteskundeak direla eta aurreratuta. Bederatzigarren kilometro bertikala, aldiz, maiatzaren 12an egingo da.
