Irribarriak Elordiren ordez jokatuko du Urdulizen
Aurrelari bizkaitarrak minduta du ezker eskua, eta Aspe enpresak Iker Irribarriari deitu dio haren ordez aritzeko.
Iker Irribarria eta Jose Javier Zabaleta, uztailean, Santa Ana jaietako festa partidan. Argazkia: Iñaki Gurrutxaga Iker Irribarria pilotari aramarrak ordezkatuko du Aitor Elordi mallabiarra Binakako Pilota Txapelketan. Hala iragarri du Aspe enpresak sare sozial bidez. Printzipioz, datorren ostiralean Urdulizen jokatuko den ligaxkako partidan ariko da Irribarria bizkaitarraren ordez. Elordik min du ezker eskuan, eta hori da ez jokatzearen arrazoia. Irribarria Zabaleta lagun duela ariko da, Ezkurdia eta Martijaren kontra.
