Bi hildako Legorretan jazotako istripu batean
00:05ak aldera izan da istripua, N1 errepidean, Gasteizerako noranzkoan. Bidaiarietako bat bertan hil da eta beste bat, ordu batzuk geroago. Beste hiru zauritu daude
Bi lagun hil dira Legorretan jazotako istripu batean. 00:05ean gertatu da, N-1 errepidean, Gasteizerako noranzkoan. Bi autok aurrez aurre egin dute talka.
Adierazitako lekura hurbildu dira Ertzaintzaren, suhiltzaileen eta Osakidetzaren baliabideak. Autoetako bateko bidaiari bat lekuan bertan hil da zauri larrien ondorioz, eta beste lau pertsona Donostia ospitalera eraman behar izan dituzte zauri larriekin. Horietako bat hil egin da ordu batzuk geroago. Bi hildakoak goierritarrak dira.
Ertzaintzak ikerketa jarri du abian istripuaren inguruabarrak argitu ahal izateko.
