Martin, Colomo eta Intxausti eta Uria garaile Beasaingo Herri Lasterketan

David Martin eta Lourdes Colomo garaile Beasaingo Herri Lasterketan eta Jon Intxausi eta Naroa Uria Herri Lasterketa Mistoan.

Maider Insausti

Beasain

2023/02/26

Goizeko 10:30etan abiatu dira Beasaingo Herri Lasterketan parte hartu duten korrikalariak kale nagusitik, plaza azpitik abiatu eta gorantz joan dira, Erauskin Plaza alderantz. 150 korrikalari inguru atera dira hasierako marratik, baina 72 izan dira 10 kilometroak osatu eta helmugako marra zeharkatzea lortu dutenak.

Azkarrenak David Martin eta Lourdes Colomo izan dira, 31:49ko eta 41:43ko denborak eginez, hurrenez hurren. Gainera, gaurkoan lasterketa honen sailkapen orokorra goierritarrena izan da, izan ere, lehenengo eta hirugarren sailkatuak, hau da, David Martin eta Adrian Pajares lazkaotarrak dira eta bigarren postuan iritsi den Alexander Oiarbide, berriz, ordiziarra. Emakumezkoetan ere goierritarrak izan dira nagusi, bigarren postuan iritsi den Maria Ezpeleta beasaindarra eta hirugarren sailkatu den Ane Urteaga ordiziarra izan dira Lourdes Colomo zizurkiladarrekin batera gaurko podiuma osatu dutenak.

Lasterketa mistoa

10:35ean, berriz, lasterketa mistoko 50 bikoteak abiatu dira, leku beretik, eta hauek 5km-ko ibilbidea osatu dute. 41 izan dira helmugara iritsi diren bikoteak. Azkarrenak Jon Intxausti eta Naroa Uria azpeitiarrak izan dira eta minutu bateko aldearekin iritsi dira bigarrenak, Maite Perez eta Koldo Galarreta beasaindarrak. Bigarrenek gertu izan dituzte hurrengoak ere, 5 segundu beranduago zeharkatu baitu helmuga hirugarren bikote sailkatuak, Markel Arbulu durangoarrak eta Carmen Martin donostiarrak osatutako bikotea, hain zuzen ere.

SAILKAPENA