Beasaingo EH Bilduk Hasier Agirre aurkeztu du
Hasier Agirre, gaurko aurkezpenean, Maddalen Iriarte eskuinean entzuten duela / A. V. - Goierriko Hitza Hasier Agirre Elkoroberezibar izango da EH Bilduren Beasaingo hautagaia maiatzeko hauteskundeetan. Gaur arratsaldean egin dute aurkezpen ekitaldia, Igartzan. Maddalen Iriarte Gipuzkoako Foru Aldundiko ahaldun nagusia izateko hautagaia eta Laida Begiristain Batzar Nagusietarako Tolosa-Oriako zerrendaburuaren baesa izan ditu, besteak beste.
Herrigintzan esperientzia luzea du EH Bilduren alkategaiak. Horrek erakutsi dio, «arrakalak handitzen» ari direla. EH Bilduk bost erronka nagusiri erantzuna ematen jarriko ditu indarrak, «erronka demokratikoa gobernantzaren ereduaren inguruan, erronka ekosoziala, berdintasuna, kultura eta hizkuntza, eta zaintza».
Une honetan, «emozio entsalada», duela deskribatu du alkategaiak; «ilusioa, gogoa… baina, batez ere, segurtasuna eta konfindantza, lan talde indartsu bat osatzen dugulako», zehaztu du jarraian.
