Legorretako jaietako egitarauren azala aukeratzeko lehiaketa martxan dago
Martxoaren 17ko 14:00ak baino lehen bidali behar dituzte proposamenak parte hartu nahi dutenek. Legorretako Azintzio Jaiak 2023 testua agertu beharko da. Irabazleak Aulia sagardotegian bi lagunentzako afaria jasoko du.
2022ko Legorretako Azentzio jaietako argazkia. Paella jana.//Asier Zaldua Legorretako Azintzio herri jaietako egitarauko portada aukeratzeko lehiaketa jarri du martxan udaleko kultur lantaldeak. Jaietako ezaugarriren bat, irudiren bat edo lemaren bat jaso eta adierazi beharko da, eta ‘Legorretako Azintzio Jaiak testua izan beharko du idatzita. Teknika librea izango da eta herritarren bozketaren bidez aukeratuko da kartelik onena. Irabazleak Legorretako Aulia sagardotegian bi lagunentzako afaria jasoko du.
Kartelak martxoaren 17ko 14:00ak baino lehen Legorretako udaletxera edo kultur etxera eraman beharko dira, edo emailez kultura@legorreta.eus helbidera bidali. Behean gainontzeko oinarriak:
-Lehiaketa honetan adinez nagusia den edozein legorretarrek har dezake parte.
-Kartelak karratuak eta tamaina librekoak izango dira. Informatika euskarrian (Pendrive edo Cdan) aurkeztu ahal izango da kartela edo paperean inprimatua. Formatuak, nahitaez karratua izan behar du.
-Ez da hizkuntza ez irudi sexistarik onartuko. Genero berdintasuna ikusarazi edo sustatzen duten irudiak positiboki baloratuko dira.
-Aurkeztutako kartel guztiekin erakusketa bat egin ahal izango da.
-Egilearen nortasuna azaldu gabe eta atzealdean lema bat duela aurkeztu behar dira kartelak. Hau euskara hutsezkoa izango da.
-Saritzen den lana Udalaren esku geldituko da eta jaietako egitarauaren azalean agertuko da.
-Saritu gabe geratu diren lanak erakusketaren azkeneko egunetik hasi eta 15 eguneko epean jaso ahal izango dira Legorretako Kultur Etxean.
