Ordizia Siglo XX Plater Prestatuak, Gipuzkoako txapeldun izateko zorian
Lau partiduren faltan, Ordiziako taldea lider doa, bigarrenetik 7 puntura. Igandean, 13:00etan, Majorin jokatuko dute Mugarri Ingou Arrasateren kontra. Irabaziz gero, txapeldun izango dira.
Ordizia Siglo XX Plater Prestatuak-en eta Ormaiztegi K.E-ren arteko partidua, aurreko asteburuan.//Angel Elorza Ordizia Siglo XX Plater Prestatuak eskubaloi taldeak eskura dauka Gipuzkoako txapela. Gipuzkoako gizonezkoen 1. lurraldeko txapelketa irabazteko zorian daude. Aurreko astean Ormaiztegi K.E-ren aurka 33-35 irabazi ondoren, lidergoa are gehiago sendotu dute. Lau partiduren faltan, lehenengo postuan dago Ordizia, 31 punturekin, eta atzetik daude, 24 punturekin, C.D.B Leizaran Ernio Inmobiliaria eta Urola Laztimendi taldeak, bigarren eta hirugarren postuetan, hurrenez hurren.
Zortzi puntu daude jokoan. Igandean, Mugarri Ingou Arrasate taldearen aurka jokatuko du Ordiziak, Majori kiroldegian, 13:00etan. Irabaziz gero, matematikoki txapeldunak izango dira. Haien esku dago. Igandekoa galduz gero ere, hurrengo hiruretatik bat irabaztearekin nahikoa lukete txapeldun bilakatzeko. Etxean txapela eskuratzeko aukera polita izango dute igandean.
