Itxaron egin behar
Ordizia Siglo XX Plater prestatuakek eskura zuen Gipuzkoako txapelketa, baina ezin izan dute Mugarri ingou Arrasate gainditu
Ordizia Eskubaloiko mutilen talde nagusiak ezin izan du Gipuzkoako txapela lortu. Nahikoa zuten Mugarri Ingou Arrasate taldea menderatzea, baina 25 eta 28 galdu dute. Datorren asteburuan beste aukera bat izango dute, Urretxu Zumarragako Urolaren aurka, Ispilla kiroldegian. Irabazten badute, txapeldun.
Partida estua izan da gaurkoa. Lehen zatiari 11 eta 12ko markagailuarekin eman diete amaiera. Une oro hortxe-hortxe ibili dira bi taldeak, gol bat gora, gol bat behera eta azken bost minutuetan erabaki da partida, Arrasateko taldeak abantaila atera duen unean.
